شوفي اختي .. انا ناوية احط موضوع تفصيلي مع نماذج عن تطوري في الكتابة من يوم جيت امريكا وايش الاغلاط اللي سويتها وكيف تطورت كتابتي. خليني اعطيك الخلاصة هنا:
في أمرين لازم تحطينهم في بالك:
1- ماحك جلدك مثل ظفرك – لا تتوقعين ان فيه مخلوق بيساعك او بيطورك مثل نفسك- انت الوحيدة القادرة على التطور. وجودك هنا في امريكا فرصة تتطورين اذا كان همك تخلصين وبس راح تندمين مستقبلا-.
طيب ماهي وسيلة التطوير؟ والله لو يركبون لك مخ امريكي – مافيه شي يطور الكتابة مثل القراءة – في كل اللغات مو في الانقلش بس!
اقري – اقري – اقري -اقري – اقري قصص مقالات روايات كتب اقري حتى جرايد لين تنسين العربي — انا اللي طورني حقيقة قراءة الشعر! اعرف انه شيء غريب بس ماطورني في كتابتي الابداعية مثل الشعر – وهذا راح اشرحه في موضوعي بعد ما اخلص اختبارات- ان شاء الله.
ثانيا- لازم يكون عندك editor- في جامعتي طلبوا مني اعطيهم اسم شخص ويكون المصحح حقي طول فترة دراستي. بس لازم نفهم ان المصحح همه الفلوس لا غير – يعني ماراح يخترع الذرة – مجرد تشييك على القرامر وبعض العبارات – فعلا هو مهم بس انا اعتبره مثل الديكور لما اخلص بناء البيت اجيب واحد يسوي لي الديكور –
النقطة الاساسية هنا انت بتسوين شغلك بنفسك ولازم تطورين نفسك ووسيلتك الوحيدة هنا القراءة!
بتصدقين والا لا – من كثر ما اقرأ شعر كتبت حتى الان قصيدتين ونشروا في مجلة الجامعة.
الاناء بما فيه ينضح اذا كثرتي قراءة بتصيرين تكتبين زي ما تقرين-
اذا فاتدك هذه المشاركة ادعي لي بالفرج ولحبيبي  فهد بالرحمة والمغفرة والجنة. بالتوفيق
Advertisements